સમયની સાથે મિત્રતાની પરિભાષા બદલાઈ જાય છે. સ્કૂલ-કૉલેજ દરમિયાન દોસ્તીમાં એક પોતીકાપણું હોય છે. એક-બીજા માટે નિસ્વાર્થ પ્રેમ હોય છે. કદાચ એ એટલા માટે હોય છે કે આપણે હજુ દુનિયાદારીથી વાકેફ નથી થયા હોતા. મારા અને તારા વચ્ચેનો ભેદ હોય છે જરૂર પણ એ રમકડા સુધી જ સીમિત હોય છે. અહમ્ શું છે એ ખબર નથી હોતી. બધા મિત્રોને નહીં પણ પોતાના ખાસ મિત્રોને બહુજ અંગત વાત કહેવામાં કોઈ પ્રકારની શરમ નથી હોતી.

શાહબુદ્દીન રાઠોડે મિત્રતાની સાચી વ્યાખ્યા કરી છે – “જેને તમે તમારી અંગતમાં અંગત વાત નિખાલસ પણે કહી શકો એ તમારો સાચ્ચો મિત્ર”. આ વ્યાખ્યાને પરિપૂર્ણ કરે તેવા તમારાં ફેસબુક મિત્રો કેટલાં?